Ing ma baha kan

Ing ma baha kan,

So tegen tahena abhran.

Hale amak Janga Latar,

Hale amak bohok cetan.

Halem rapuding

Hale cupuding.

In do so tegen tahena,

Halem lahuding.

Ontorem rapud hale,

Halem rapud ting kant.

Jaijug lahat tegen tahena,

Hale jahan tinak anat.

Sai sengel re

Unum katek ho.

Paira rakab an

Dukh jola khon ho. 

© Saheb Ram Tudu

Mandaria

Toka redom tahen kana Juri ho?

Toka redom suru nanga lek?

Kulhi redon tahe kana juri ho.

Akhra re don suru-nanga lek.

Kulhi dhuri otang ena dhani ho!

Chala nidir ruku nuru en ho!

Enrehon am do juri ho,

Cedak bam bahir len akhra do?

Gunguk redoi tahen kan gidar ho,

Cupud doho lek potom anchar do.

(Anchar doye cupud doho lek.)

© Saheb Ram Tudu

One evening with Basuki Das Gupta

when sun was about to set.I intered verve studio. It was sunday.As usual this sunday we also had pesentation with one of the great artist from India name is Basuki Das gupta. when I intered i saw one of bold headed person is playing guitar!

Dular Rasa,

Dular Rasa

Am lagit ge nowa jonom ing hatao lek,

am lagit ge lebek lek dhuri dharti.

Anho cedak corem deya kiding,

cedak corem bagi ading tala tandi?

Nowa ontor do jaijug am gei panja me,

Am ge disa me ghuri ghuri.

Enho cedak co nase ho bang,

Bam koyok ruad lek Dulari.

Hati do bang hale sadom do bang,

Nowa taren menak ge khali.

Node ge suru nagain me,

Nonde ge basa bandhak me jiwir jhali.

Taram alang songe songe songe singe ninda,

Ambas ge cet nutat ge cet cet ge kunami!

cet anat ho bang hijuk jibon re,

Tahena jaijug lagit dular dhani!

Nowa dular do serma puri reak sandesh,

Dharti puri reak dan dulari,

Nowa do nalo manda mesak ma,

Jogao doho jongon alang dular nari.

Jaijug gele bilik jo lawerok dare dar.

lui alang bhurag alang bati-bati,

Nu alang hapating alang bare bar.

Sarssaok ma dular rasa ruti-ruti.

By- Saheb Ram Tudu

Aboak lai lakchar

part-1

In in badaya ar am dom bam tahena jaijug.

Bang nel nam tam setak sisir mukhan nowa hariar rup.

Amak arang ban anjom dareak sing ninda

Bang durup tengo len am saon kulhi-Pinda.

Ona tege inak dular in lai am kana

Ona tege inak dular in uduk sodoram kana.

Jahan tinak din gem tahena in sao.
Jahan tinak ge dare am har samtao
Horok miyan ontor re arao mean.
Gutu galang minyan jiwi re porao miyan.
Tobe  gem tahena jiwed inre dular.
Tobe ge tahena amak ror ar rar.

Jharna atuk dak leka jaijug em atuk
Dadi dak leka jaijug bumbukok sing satup.
Anjle nu kat gen tetan metao..
Um paira len gen nowajonom sadhao
Aboak lai lakchar aboak arang

Bohok ren dahri giwi reng atang.

part-2

Aboak lai lakchar aboak arang,
Bohok ren dahri jiwi ren atang.
Nowa giye uduk abon  dahar,
Nowa giye metao nutat karang.

Dese ebhenok tabon pe boiha,
Dese cetak tabon pe misera.
Bale belteng gidi gidra leka
Cedak lai lakchar menai tabon abohela?

Hewe abon hoborebon joto kote,
Dulare bon cerejebon mit none te.
Unigeto aboren dhinang upurum,
Uni getoi rakab aboak nutum.

Jati ar dhorom do bai-bai tebo Rakab,
Napai-napai arichali porob.
Nowa saota somaj do ar mit dhao bosajao,
Dhorom korom dewa sewa de bo manao batao

Kunami Chando

Kunami Chando tihing

karang nutat e emadina,

Sonero Diyamali tihing

Ambas nutat e emadina.

Ohai ! Jion emokic tihing

Moron e emadina.

Akil phiri ar kolom aksar

De iman pe inak upurum

De iman pe inak arang.

Adi din khon minan,

Inak hok-aidar khon danang.

Inak ot-hasa, inak gada-nai,

Tihin do calakan dishom manwa ko lai.

Aleak jat tinak din tahen nutat-jakat,

kochlon nidhan re lebek-lasai.

Aleak gorob de cek Bharot reak gorob bang?

Tahole cedak ale do uku nutat re karang-karang.

Tihing do tudi leka le harak kan

Aleak akil ahla te darang-darang.

Ale do cedak nunak bemanot re?

Menak akat le hirkha ar henosta re.

Hui darek khan itihase khoja ika ale tala re,

Ced thakur jiwi ge banui hende harta re?

Cok katek daram huyuk taya manmi sagai,

Hadub katek doho hoyok taya boiha dular.

Ar bang khan don tul geya boiha ko

Akil  phiri ar kolom aksar do.

Hul Johar! "Sengel Hopon"

Saheb Ram Tudu

Date -27/07/14