Ing do badaya...

Ing do badaya
Am do jola ho bang.
Am do serma hon bang.

Enhon cedak ?
Am disa ren koyog serma cetan
Dharti jakat jola serma topol akan.

Ar bang ing apnar darek kan,
Am chal ipil te gathao baha mala
Hira mani te sajao bel machi sona te tol chhata.

Teheng do tengo ge minana,
Tengo ge tahen oco an mese
Am bel machi re ohon bethar lena.

Ar cek hon alom ror,
Men teyak do cek ge banuk nit.
Arup safa ena ol tahen kan oka ontor bhit.

Pipirpio lekam durup len,
Inak ontor baha tala
Nit ho durup ge menam bhala.

Am gem tahen kan,
Prithimi re sanam khon chorok
Am khatir ge tahen kan ontor akhra re jomok.

Cek ing sarhao me,
Banuk jahan rod teyak
banuk jahan bakher teyak.

Anjom darek khan,
Anjom kating me dulari
Am khatir gen taram et kan dhuri-dharti.

Am khatir gen sahed eda,
Am khatir gen rod eda
Am khatir gen landa eda sari.

Ruar am lagit do
Nowa geting ing then
Nowa geting sandesh soros dhon.