Unurum

Tinak je ede in men ket,
Gota nowa pritimi samang re.
Am do ing ren chele ge bang,
Okoi bethar menam ontor bhitar re.

Tinak ge amak upurum ing lai ket,
Tinak ge bang amak mukhan in oko ket.
Tihin dhabik bang in angoch akat me,
Tihing ona ede sanam hamal gen aikao et.

Tihing ar jahan ede do bang,
Tihing ar jahan cholona do bang.
Tihing do ing sur te durub me,
Tihing ar jahan lai teyak do bang.

Am do ing ren, Ing do amren,
Alang lang upurum akan.
Nowa ge dhera nowa prithimi lagit,
Ar do banuk lai teyak nawanan.

Am do katha te oho kem sodor,
Am do tula dadich te bang kem song.
Amak upurum lagit do ghatik a ol akhor
Ona khon do bhageka thir gen tahen borong.

Am do ing hoito bang em gonyon tahen,
Bang em atang ing tahen amak jiwi tala.
Amak thaon inak ontor re tinak menak,
Ona katha hon am do bang em bujh bhala.

Ar tihing banuk jarud emok amak upurum,
Ar tihing banuk dorkar emok inak upurum.
Ontor-ontor topol akan jiwi-jiwi gathao unurum,
Ar do bang lang hoho jongan nutum num-num,

Mit ten dular ren janam ena,

Mit ten dular ren janam ena,
Mit ten dular ren goch ena.
Mit ten hirkha ren hara ena,
Mit ten hirkha ren nuru ena.

Ar tinak din tahen nowa hadak do,
Nowa tohok janum jhampa do?
Mit dhorom tebon lahak sanam ko,
Mit ge Thakur do, mit ge sari do.

Nowa sorog reak Gang nai
Deg kedai sorog ar monjpuri.
Enhon bange niray len manmi mon,
Bange safa len ontor reak kuila khadi.

Tahe ena dhorom niye tapam,
Tahe ena bichar niye gopoc.
Amak rup niye ropor kafari.
Amak manao niye  galoc.

Mit din nowa sanam dhorom,
Dul miduka mit ten bhati re.
Garhao rakaboka tai mit ten rup,
Sarhaok mai Sisirjawik sanamko luti re.

Un gharic ge manmi ko buja,
Manmi do manmi lagit ge,
Tapam gopoc do micha gea,
dhorom do somaj-susar lagit ge.

By - Saheb Ram Tudu