तिमिन सांगीञ

तिमिन सांगीञ इंग हैच् एना जे ,
धुबी घांस चेतान सिसिर दाक़ सांगीञ ऐना.
मेत् पेरेच् सासांग साढ़ झींगा बाहा साहा ऐना ,
 कोचा पेरेच् कुसनी बाहा दानांग ऐना.

जानाम दिसोम रे टुण्डंाग  बाग़ी अातेक् ,
नीत दो बुजुक्  काना आयो आड़ाँग हों साहा ऐना.
ताड़ाम डाहार तिनाक्  आनाट जे
दारे चेतान कुइली चेेंड़ें  होंय  सांगीञ ऐना।

पुखुरी रे होइते हिलाक कान पोइरानी ,
आर बांद  धारे के खिलडुक कान उपाल हों सांगीञ ऐना.
उनाक् सांगीज इंग हेच् ऐना जे,
कुल्ही मुचाक् जाहेर हों सांगीञ ऐना.

उनाक् सांगीञ हेच्  ऐनाजे ,
गुरिच्  मांदे बेढ़हाय कोहन्दा नाड़ी सांगीञ ऐना,
बाड़गे पेरेच्  तूड़ी बाहा सांगीञ ऐना,
बाथान टांडी पेरेच् राहेड़ बाड़गे सांगीञ  ऐना।

बाड़गे दुआर कूद दारे आर कांठाड़ सांगीञ  ऐना ,
रोहोइ लेक नेल मेसे दाखरासा दारे सांगीञ  ऐना.
तिनाक् सांगीज इंग हेच् ऐना जे,
गाय - डांगरा मेरोम भिड़ी आरांग हों सांगीञ ऐना।

नायो आक् राचा जोक् आड़ांग सांगीञ  ऐना,
होइतो ओक्ते साव आरो निसुन चालाक्आ इन्याँक् संसार ,
झांझरा चालाक् आ सेया साकाम लेका ,
गीतील लेका ओटांग चालाक् आ मीत - मीत चितर।

एन्हो पासेन एकेन दिसा ताहेना ओना रु-राहां  
ताला कुल्ही अखाड़ा आर पोरोब माहाँ। 
ओना गे ढेरा इंग जिवेद दोहो इंग लागित ,
ओना सों-सोंधाड़ गे ढेरा इन्याक् जीवी जियाड़ दोहोय लागित।

दीनाम गे सिङ्ग् चान्दो ञेंले पुरुब् नाखा ,
ओन्तोर तिङ्ग् मा दिशोम रेगे मेनाक् आका ,
ओका चेक् चोञ हिरिङ्ग् ओटो आकाद् आतो रे ,
बागी ओटो आकाद् जीवी मा ओड़ाक् पाखा।
  
  
  

लो तोरोच् दुलाड़

उमेर साव नोवा ओनोरोहे रेआक् चेक् मेल बानुक आ l एन्हो दिसा हेच् एन ते ओल हुइ आकाना, मित् टान्ग लोतोरोच् दुलाड़:

जेरेद लेक् गियाङ अामाक् ओल चिठी ,
आमाक् दुलाड़ काथा आर सृति ( दिसा )!

जेरेद लेक् गियाङ निरोला दुलाड़  ताम ,
आमाक् एम तेयाक् सानम जिनिस ताम !

लो तोरोच् लेना ओना साव मासे तिनक् किछु ,
गुर्लाव राकाब लेना आमाक् सृति ओना पिछु !

तोरोच् मा तोरोच् एन धुड़ी साव मेसाएन ,
तेन्गो ताहेन् काने मित् टेन जिवेद् मानमी मेनखाने एकाएन !

लो तोरोच् लेना ओन्तोर तोपोल गॉँठ,
आर इंग सिंग भिड़ाव लेदा इन्याक् कपाट !

एन्हो चेदाक् चोङ बान्ग इङ्ग् दारे आकादा आमाक् काथा आकोट ,
बारे-बारे हेच् लेना सिङ्ग् ि ञन्दा ठोक -ठोक !

आम दो चेदाक् चोङ बारेम बारेम हिजुक् आचुर -बिहुर ,
सिङ्ग् दुअर ओन्तोर-कापाट सान्कल एम यूंर !

आमाक्  धुड़ी होइतो बाङ नुरु आकाना इन्याक् चौकाठा रे ,
मेनखान ओकोय चो तेन्गो मेनाय लेकाञ आयकाव इन्याक् छाटका रे !

गुलान्ज् बाहा  नुर सावते ओकोय  चो तिये आविल लेक् रेबेद मेनते ,
ओना तेगे नेल मेसे बाङ रोचोद् आकान बाहा साकाम धरती रे जोपोद् सावते !

तिनाक् किछु ओटान्ग चालाव एना लो तोरोच् एन सावते ,
बाङ हिरिन्ग् दारे आकादा ओनाको ओक्तो पारोमेन सावते l

ओका दो लुतुर रेम रोड़ ओटो लेक् आ ,
आमाक् जाक् - जोटेक् ताला तेम चाल लेक् आ l

आमाक् सो-सोन्धाड़ आमाक् उप् गायगोम ,
आमाक् आराक् लुटि, आमाक् मेत् आयनोम !

तिहिन्ग हो रात रनी लेका सोन्क् तेगेम ताहेन ,
गोटा सेताक् -सिङ्गाड़ मोन माताव गेय ताहेन ! 

तोका रेदोञ तोल दोहोमे, तोका रेदोञ बुन्दि दोहो मे ,
बानुक् आर किछु आमाक् निशाना चेक् तेदोञ उयहार दोहो मे !

जेरेद लेक् गियाङ अामाक् ओल चिठी ,
आमाक् दुलाड़ काथा आर थुति !

जेरेद लेक् गियाङ सोनोत दुलाड़  ताम ,
आमाक्  एम तेयाक् सानम जिनिस ताम !

Sarjom Hopon

Ing do Sarjom  hopon,
Ing do Karam hopon,
Ing do sar lek sagun lek,
Ing do bonga hopon.

Ing do~ dak' kan,
Ing do~ sengel kan ,
Ing  do~ angra kan,
Ing do~ arel kan.

Ing do Tiril Tarok',
Ing do khode Matkom,
Ing do Kaira nala,
Ing do Lugu buru hopon.

Ing do patiyaw menak' tina,
Ing do hasa cetan.
Ing do patiyaw menak ' tina,
Ing do bhasa ar rasa cetan.

Ing do bohok' tul katek,
Ing do dharti chira katek '
Ing do rukur dhiri cetan,
Ing do sing chandowak' elang sahaw katek.

Ing do jiwidok' e cek akawading,
Serma reak mit rahla rimil nel te.
Jiwidok as e em aka wading,
Ing do uni sari Sarjom hopon.

Ing do hoi re, bhardo re,
Ba.ng kudburok'  ba.ng rapudok ',
Hoi saw likid-likid okto saw khuntuk ' leka,
Ing do jaijug jiwed dhiri hopon.

Ing do ragi bang,
Ing do ruhed bang,
Ing do jaijug sebel sakam leka,
Ing do uni hemal umul hopon.

Ing do hormo udgar dak' joroi tuluc',
Ing do reyar dak' mandi jom tuluc',
Ing do sardi setong sahaw tuluc',
Ing do dharti abad hasa hopon.

Ing do dadi dak '
Ing do kunj dak ',
Ing do gada mundu atuk dak ',
Ing do jiwir judasi hemal jharna dharti hopon.

Ing do alom lat-ghating,
Ing do alom khilod -noston,
Bang khan ing do bar pahta,
Laser tarwade sengel hopon.

By Saheb Ram Tudu

दुलारी बोइहा को ,

जोखोन - जोखोन  गे  सेरमा रे होय भारडो आर दाक् उनाव राकब इंग नेला,
आर हरियाड़  खेत रे चासी कोवाक्  नाहेल अातेक्  सियोक दो सारी गे ओंतोर जीवी खाद बाद गोदोक्  गेया।
आतो दिशोम खोन उनाक्  सांगीज रे ताहेन ओना को जिनिस अाबार उयहार हेच गोदोक् आ ।
उन ओक्ते गे रामकिंकर बैज आक् काथा इनाक् मोने जीवी रे गुरलाव हिजूक्  ताहे आर दिसा हिजूक्  आ.  अडी चोरोक आर सहज भाव ते अाबॉआक् दिनमदिन रेयाक्  कामिहोरा को अाच् आक्  चितार ताला तेइ तोल दोहो आकाद ताबोना।  इनका दो आडी कॉम चितार बडोहि को हुई आकना ओकोइ दो संताल आतो सुर रे गिराबासी कातेक, उनकुआक् जाक् -जोटेक्  को जोम काटेक् ,  दारे आर आतो ओड़क्  साते उमुल रे जीराव कातेक़ अाच् आक् शिल्पकर्मों गाढ़ाव लेत।  नुई भारत बर्ष रे तिहिंग मीत टेन मरांग शिल्पी मेन कतेक्  गेबो बडाये ताहे।  अासोक् आङ आबो
लाय -लाकचार आर अरिचली दोरोदियो को नुयाक्  जहान ऑल-लिखन को मेनाक्  ओना को आरो बो बडाई  ताया।  आर नोवा को होर रे न गिदरा को भेजाव कोवा।  नुयाक चितार को आपे ताला रें ा आड़तीयेत येत काना।      

हासा ओड़ाक़

हासा ओड़ाक़ रेगे धोरोम ,

हासा ओड़ाक़ रेगे कोरोम। 

हासा ओड़ाक़ रेगे सुलूक ,

हासा ओड़ाक़ रेगे निराई।  

तोकोई मेन ओनातेम रंगेच ऐना ?

तोकोई मेन ओनातेम निंधान ऐना ?

तोकोई मेन ओनातेम लिचार ऐना ?

तोकोई मेन ओनातेम हुडिंग ऐना ?

हासा ओड़ाक़ गे आमाक्  गोरोब ताम ,

हासा ओड़ाक़ गे आमाक् मान ताम।  

हासा ओड़ाक़ गे आमाक् उपुरुम,

हासा ओड़ाक़ गे आमाक् नागाम।  

हासा ओड़ाक़ रेगे बोंगा-बुरु 

हासा ओड़ाक़ रेगे एरा-उरु। 

हासा ओड़ाक़ रेगे हिरीच-पासीर ,

हासा ओड़ाक़ रेगे लाय-लाक्चार। 

हासा ओड़ाक़ रेगे धोन-दूरीब 

हासा ओड़ाक़ रेगे गोसाइँ। 
हासा ओड़ाक़ रेगे लुखी-ठाकरान,

हासा ओड़ाक़ रेगे लिखन-गोरहोन। 

हासा ओड़ाक़ गे लिली-बीची,

ओनारेगे हापड़ाम कोवाक् गिरा-बसी।

हासा ओड़ाक़ रेगे सेबेल-सोहान ,

हासा ओड़ाक़ रेगे रास्का-आभरान।  

हासा ओड़ाक़ रेगे तोवा-दाहे ,

हासा ओड़ाक़ रेगे गाय-काडा।

हासा ओड़ाक़ रेगे मिहुँ-मेरोम,

हासा ओड़ाक़ रेगे लुत्ती-तेरोम।

हासा ओड़ाक़ रेगे सिम-सुकरी,

हासा ओड़ाक़ रेगे काहूँ-किसनी। 

हासा ओड़ाक़ रेगे घावरा-पोताम,

हासा ओड़ाक़ रेगे गुडू-चुटिया ताम।  

हासा ओड़ाक़ रेगे आबोआक् रेहेद,

हासा ओड़ाक़ रेगे आबोआक् जाति-जिवेद दो।

हासा ओड़ाक़ रेगे आबोआक् साँहेद, 

हासा ओड़ाक़ रेगे बुका-तोपा दो। 

By Saheb Ram Tudu,

Date: 12/07/2019

रापुद एना सेदाय कांडा हायरे ,

रापुद एना सेदाय  कांडा हायरे ,
आंजेद ऐना डाडी दाक् ,
आजेद ऐना कुँज दाक्  ,
बानुक हाले सेदाय लेका रेयाड़ ठीली दाक्  l

बानुक्  हायरे हेरमेत् दिपिल
रेयाड़ काण्डा दाक् ,
बानुक् हायरे ओना लोहोद् किता कण्ड्हुं
बानुक् हायरे उप् गालान्ग् खोन
घेरवा आड़गोन रेयाड़ रीड़िम दाक्  l

बानुक् हायरे लोहोक् जङ्गा हेमाल ताडाम,
बानुक् हायरे साडी अन्चार खोन ठोपोगोक् दाक् ,
बानुक् ओना उसुल पिण्डा ,   
बानुक् ओण्डे काण्डा दोड़ोम l

बानुक् नित दो रेयाड़ सोन्धाड़
रिलामाला जियाड़ झरना दाक् ,
बानुक् नित दो तान्ग लागित ओहाय !
ओना जुडसि सिबिल दाक्  l

चेकाते हाले आन्जेद एना ?
किया डाडी कायरा नाला ?
चेकाते हायरे मायला एना ,
गाङ्ग नाय सुड़ा नाय ?

चेकाते हायरे आद चाबा एना,
ओना रिलामाला सोरोगपुरी तोवा दाक् ?
ओकाते हायरे ओटान्ग् एना ,
 सिसिरजाविआक् ओना जिओन दाक् ?

Sedai leka

Sedai leka kulhi dhuri,
Ar bang lohodok' kan.
Bang lohodok' kan.
ontor saru sakam.

Kichu tombaw tahe kana,
Bang do met dak?
Bang do serma chal dular dak '
Tihing ho panja badai ad hemal tanak.

Jarge japud re rage baru dang,
Nil serma re gurlawok hende rimil.
Bang do aron kuli ruad me,
Tihing ho oka-oka do nel godok tahe ko ipil.

Sar poirani baha sakam leka,
Dhailaw badai kana nowa mon.
Buru songha rimil leka
tapin badai nowa mon.

Bili khijur leka okte nur calak
Holong baha leka ge sarh thopa thopa
Ar do bang ing nel tiyag me dulari
Rehed ho rehed nari ho nari cekaten me ropha?

Ar tihing do busup sarim khon
sate dak bang topogok kan
menkhan ontor sate khon
sing nida sona dana nur calak.kan.